رحلة البحث عن اللطافة

أول خطوة في طريق البحث عن اللطافة هتبدأ عندك انتى لما تبدأى تركزى على اللطافة اللى فى شخصيتك وتزوديها، كلنا بلا استثناء عندنا جانب لطيف فى شخصيتنا بيظهر على حسب المواقف اللى بنتعرض لها وبرده على حسب نوع الشخصية. فينا اللي لطافته بتبان في صوته الهادي، وفيه اللي بتبان في تصرفاته، وفيه اللي بتبان في كلامه المهم إن اللطافة مش لازم تكون فى صورة معينة أو بطريقة محددة… هي ببساطة إنك تختاري تكوني إنسانة طبيعية مش متصنعة خالص، أهدى وأحن فى تعاملك مع الناس، وأكثر وعي بنفسك وباللي حواليك.
وكل ما تلاحظي اللطافة جواكي، هتقدري تشوفيها أكثر في الناس… وهتكوني سبب إن حد تاني يلاحظها جواه.